Ymgynghoriad Canllawiau’r Ddeddf Teithio Llesol Gweithdy 2 (Gogledd Cymru)

Mae Llywodraeth Cymru, gyda chefnogaeth Trafnidiaeth Cymru, yn ymgynghori ar newidiadau arfaethedig i ganllawiau'r Ddeddf Teithio Llesol.

Bwriad y diwygiadau arfaethedig yw:

• gwneud y ddogfen yn fwy hygyrch gyda fformatio gwell a chynnwys sy’n haws i'w ddarganfod.
• defnyddio iaith hygyrch a hawdd i'w deall er mwyn cyd-fynd yn well â Deddf Cydraddoldeb 2010
• diweddaru cyd-destun y polisi
• esbonio ein safonau dylunio
• symleiddio penodau, a chryfhau canllawiau ymgysylltu i ysgogi cyfranogiad ehangach
• cefnogi gwell integreiddio rhwng trafnidiaeth gyhoeddus a cherdded, olwynio a beicio
• pwysleisio arferion sy'n seiliedig ar dystiolaeth a defnyddio terminoleg gyson i gefnogi awdurdodau lleol i ddarparu rhwydweithiau teithio llesol cynhwysol o ansawdd uchel ledled Cymru

Mae'r dogfennau ymgynghori i'w gweld yma:

www.llyw.cymru/canllawiaur-ddeddf-teithio-llesol

Dyddiad cau: 13 Chwefror 2026

Mae Llywodraeth Cymru yn eich gwahodd i ymuno â gweminar / diwrnod o weithdai wyneb-yn-wyneb sy’n trafod y newidiadau arfaethedig.

Cofrestrwch heddiw i gadarnhau eich lle! Edrychwn ymlaen at eich gweld.