Dish party on quadra lakes UAE

هلا وحلا وجلا، تصويتكم حدد تقريبا كل حاجة مع بعض التنسيق والتخطيط والترتيب🌛

طلبتوا منى كتير ان احنا نعمل دش بارتي وجه وقتها دلوقتي

معاد الديش بارتى هيكون يوم السبت الموافق 28/02/2026

هيكون معاد تجمعنا 6:00 مساءً كلنا هنفطر علي سفره واحده كبيره ، الى مش هيفطر معانا بسبب التزامات شخصية مش هنزعل بس هيفوتك انجازات وبطولات في المطبخ 😅🍤🥗🌭🍔🍟🍕🥘🥧🎂🍪

المكان في واحات القدرة -دبي جنب الغزال 🦌والنعام 🦩و النورس🦢 وكل الحاجات الحلوه دي هنا بالظبط https://maps.app.goo.gl/ej3hG7CLGgbFX9gn6

طب التكلفه هتكون ايه 50 درهم فقط لا غير"دي مصاريف اساسيه غير شامله الاكل"

-طيب يا سيدي الاكل الى هتجيبه هتسخنه ازاي ؟

* هيكون فيه فويل تقدر تحطه علي الفحم 🪨او الحطب🪵"الاتنين موجودين" و تسخن الاكل بتاعك ، اطباقك عندنا وكوبياتك عندنا وهنولع قدامك نار عشان تدفى 🔥

طيب نظام الاكل ازاى ؟

* في الفورم هتسجل ايه الاكل الي هتعمله ولو هتجيب اكل من بره هتكتب ايه الي هتجيبه هتعمل حسابك بزيادة شوية بس حسب مقدرتك، طيب ليه بنكتب لان ممكن تلاقي حد يكون حابب ياكل نفس الاكله الي هتعملها بس مش قادر يطبخها فا سعتها هتقسموا بينكم المهام او الماتيريال "ده هيكون تنسيق بيني وبينكم مش علي الجروب هتكتب في الفورم انك مش بتعرف تطبخ بس نفسك تاكل كذا " حسب كل واحد حابب ايه ؟

طيب هتلاقي في نفس الفورم الاتجاه الى هتيجي منه سواء معاك عربيه🚗 او لا 🛴 واى اماره كمان، فا نقدر نخلي اقرب حد ياخدك معاه باذن الله

طيب انت هتيجي بعد الفطار مش مشكله هتسجل في الفورم وكل حاجة زي ما هي بس هتكتب في الفورم انه بعد الاكل

⚠️⚠️ هتجيب ايه معاك ؟

١-كرسيك

٢-أكلك

٣-شربك

٤-لبس تقيل و بطنيه واي حاجة تقيله

ايه البروجرم :

* هنبدا اليوم بتحضير السفره وتجهيزها وهتلاقي الفحم والفويل مستنيك لو حابب تسخن اكلك هنفطر سوا

* وبعدها هنبدا نلعب شوية بورد جيمز بدون حركه الي هو التريحه بعد الاكل

* وبعدها هنبدا نفوق بقي نلعب شوية اللعاب فيها حركه وفرفشه و غني و افلام و عروستي و مافيا

* الدي جي هيكون شغال دايما هنعمل اكيد فقره الرقص 😅

* هنفضل قاعدين ومروقين الدنيا و مفرفشين هتيجي علينا الساعة ١ بليل نبدا نجهز السحور بقي ونتسحر كلنا سوا ⚠️⚠️ برضوا انت تعمل حسابك في سحورك، تسخنه بقي عندك بوتجاز وعندك فحم وعندك خشب تعايش . "او جيبه واعمله هوفر ليكم حلل وزيت وملح وفلفل وشطه"

احنا هنفضل موجودين لحد الساعة ٤ الفجر باذن الله

يلا الكل يسجل في الفورم بس المره دي 👇👇👇👇، طب ليه لانه هيسهل علينا وعليك في التنسيق والترتيب وكل حاجة

https://forms.gle/5c8PAWDezAQ2nZss9

⚠️ملحوظات مهمه:

1-هيكون فيه تصوير ، في الفورم هتقولنا عندك مشكله مع التصوير ولا لا رغم حبنا الكامل لتوثيق اللحظات السعيده

2- تقل هدومك جدا اوعي تقول الجو حلو الجو مختلف تماما عن المدينه

3- المكان بتاعنا كله مدقات عشان نوصل للمكان نفسه يعني كل العربيات سهله الوصول مهما كان حجمها

4- فيه ترتيب معين ولطيف للقعده بيسهل علينا كل حاجة هنقولك عليه اول ما توصل

5- اكياس الزباله هتلاقيها منتشره حولينا ارمي فيها عشان فيه غرامه كبيره

6- الخشب له مكان بنولعه فيه وممكن ناخد منقد الفحم مفيهاش مشكله .